1 Азфыстытӕ 2 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

Иудӕйы хӕдзарвӕндаг Израилы фырттӕ

¹ Израилӕн уыди дыууадӕс фырты: Рувим, Симеон, Левий, Иудӕ, Иссахар, Зевулон,

² Дан, Йосеф, Бениамин, Неффалим, Гад ӕмӕ Асир.

Иудӕйы байзӕддӕгтӕ

³ Иудӕйы фырттӕ: Ер, Онан ӕмӕ Шела. Сӕ ныййарӕг мад — ханаанаг Бат-Шуа. Ер, Иудӕйы хистӕр зӕнӕг, Дунедарӕджы цӕсты йӕхи бафтыдта, ӕмӕ йӕ Дунедарӕг амардта.

⁴ Иудӕйӕн йӕ чындз Тамарӕй райгуырдысты Парец ӕмӕ Зарах. Афтӕмӕй йӕ фырттӕ баисты фондз.

⁵ Парецы фырттӕ: Есром ӕмӕ Хамул.

⁶ Зарахӕн уыди фондз фырты: Зимри, Етан, Хеман, Калкол, Дара.

⁷ Зимрийы фырт — Карми. Кармийы фырт — Ахар, Дунедарӕгӕн цы снывонд чындӕуыд, уыдонмӕ фӕныхилгӕйӕ, Израилы адӕмы бӕллӕхы чи баппӕрста, уый.

⁸ Етаны фырт — Азариа.

⁹ Есромы фырттӕ: Йерахмеел, Рам ӕмӕ Келувай.

Давиды фыдӕлтӕ

¹⁰ Рамӕй райгуырд Аминадав, Аминадавӕй — Нахшон, иудейӕгты фӕтӕг,

¹¹ Нахшонӕй райгуырди Салмон, Салмонӕй — Боаз,

¹² Боазӕй — Овед, Оведӕй — Йессей.

¹³ Йессейӕн йӕ хистӕр фырт — Елиав, уый кӕстӕр — Авинадав, ӕртыккаг — Шима,

¹⁴ цыппӕрӕм — Нетанел, фӕндзӕм — Раддай,

¹⁵ ӕхсӕзӕм — Оцем, ӕвдӕм — Давид.

¹⁶ Уыди сын дыууӕ хойы: Церуа ӕмӕ Авигеа. Церуайӕн уыд ӕртӕ фырты: Авишай, Йоав ӕмӕ Асаел.

¹⁷ Авигеайӕ райгуырд Амаса. Амасайы фыд Йетер уыд Измаелы байзӕддаг.

Калевы байзӕддӕгтӕ

¹⁸ Есромы фырт Калевӕн йӕ ус Азувӕйӕ райгуырди чызг Йериот. Йериоты фырттӕ: Йешер, Шовав ӕмӕ Ардон.

¹⁹ Азувӕйы амӕлӕты фӕстӕ Калев ӕрхаста Евфратӕйы, ӕмӕ йын уый ныййардта Хуры.

²⁰ Хурӕй райгуырд Ури; Урийӕ райгуырди Бецалел.

²¹ Есромыл ӕртиссӕдз азы куы рацыд, уӕд ӕрхаста Махиры чызджы, ӕмӕ йын уымӕй райгуырди Сегув. Махир уыди Галаады фыд.

²² Сегувӕй райгуырди Иаир. Иаирӕн Галаады зӕххыл уыд ӕртӕ ӕмӕ ссӕдз сахары.

²³ Фӕлӕ фӕстӕдӕр гешурӕгтӕ ӕмӕ арамейӕгтӕ байстой Хаввот-Иаиры хъӕутӕ ӕмӕ Кенат йӕ алыварс хъӕутимӕ — ӕдӕппӕтӕй ӕртиссӕдз. Уыдон се ’ппӕт дӕр уыдысты Галаады фыд Махиры байзӕддӕгтӕ.

²⁴ Есромы амӕлӕты фӕстӕ йӕ фырт Калев ӕмуат ӕрцыди йӕ фыды ус Ефрафӕимӕ, ӕмӕ йын уый ныййардта Ашхуры. Ашхур уыди Текоайы фыд.

Йерахмеелы байзӕддӕгтӕ

²⁵ Есромы фыццаг зӕнӕг Йерахмеелы фырттӕ: йӕ хистӕр зӕнӕг — Рам, уый дӕле — Буна, Орен, Оцем, Ахийа.

²⁶ Йерахмеелӕн йӕ дыккаг ус Атарайӕ райгуырди Онам.

²⁷ Йерахмеелы зӕнӕджы хистӕр Рамы фырттӕ: Маац, Йамин, Екер.

²⁸ Онамы фырттӕ: Шаммай ӕмӕ Йада. Шаммайы фырттӕ: Надав ӕмӕ Авишур.

²⁹ Авишурӕн йӕ ус Авихаил ныййардта Ахбан ӕмӕ Молиды.

³⁰ Надавы фырттӕ: Селед ӕмӕ Аппаим. Селед амарди, фырттӕ йын нӕ рантысти, афтӕмӕй.

³¹ Аппаимы фырт — Иши. Ишийы фырт — Шешан. Шешан уыди Ахлайы фыд.

³² Шаммайы ӕфсымӕр Йадайы фырттӕ: Иетер ӕмӕ Йонатан. Иетер амарди, фырттӕ йын нӕ сӕнтыст, афтӕмӕй.

³³ Йонатаны фырттӕ: Пелет ӕмӕ Заза. Адон се ’ппӕт дӕр сты Йерахмеелы байзӕддӕгтӕ.

³⁴ Шешанӕн фырттӕ нӕ рацыд, ӕрмӕстдӕр — чызджытӕ. Уыди йӕм цагъар, мысыраг, йӕ ном — Йарха.

³⁵ Шешан Йархайӕн радта йӕ чызджы, ӕмӕ йын уый ныййардта Аттайы.

³⁶ Аттайӕ райгуырди Натан; Натанӕй райгуырди Завад;

³⁷ Завадӕй райгуырд Ефлал; Ефлалӕй райгуырди Овед;

³⁸ Оведӕй райгуырд Йегу; Йегуйӕ райгуырд Азариа;

³⁹ Азариайӕ райгуырди Хелец; Хелецӕй райгуырд Еласа;

⁴⁰ Еласайӕ райгуырди Сисмай; Сисмайӕ райгуырди Шаллум;

⁴¹ Шаллумӕй райгуырд Йеками; Йекамийӕ райгуырд Елишама.

Калевы байзӕддӕгты иннӕ номхыгъд

⁴² Йерахмеелы ӕфсымӕр Калевы фырттӕ: йӕ хистӕр зӕнӕг — Меша, Зифы фыд, Мешайы кӕстӕр — Мареша, Хевроны фыд.

⁴³ Хевроны фырттӕ: Корах, Таппуах, Рекем, Шемӕ.

⁴⁴ Шемӕйӕ райгуырди Рахам, Иоркеамы фыд. Рекемӕй райгуырди Шаммай.

⁴⁵ Шаммайы фырт — Маон. Маон уыди Бет-Цуры фыд.

⁴⁶ Калевы номылус Ефа ныййардта Хараны, Моцайы ӕмӕ Газезы. Харанӕй райгуырди Йахдай.

⁴⁷ Йахдайы фырттӕ: Регем, Йотам, Гешан, Пелет, Ефа, Шааф.

⁴⁸ Калевы номылус Мааха ныййардта Шевер ӕмӕ Тирханайы.

⁴⁹ Ноджы ма йын райгуырдысты Мадманнайы фыд Шааф, ӕмӕ Махбена ӕмӕ Гевӕйы фыд Шева. Калевӕн уыди чызг дӕр, йӕ ном — Ахса.

⁵⁰ Адон се ’ппӕт дӕр сты Калевы байзӕддӕгтӕ. Евфратӕйы фыццаг зӕнӕг Хуры фырттӕ: Кирйат-Иаримы бындурӕвӕрӕг Шовал,

⁵¹ Вифлеемы бындурӕвӕрӕг Салма, Бет-Гадеры бындурӕвӕрӕг Хареф.

Шовалы байзӕддӕгтӕ

⁵² Мӕнӕ Кирйат-Иаримы фыд Шовалы байзӕддӕгтӕ: Харое, Хаци, Менухот;

⁵³ Кирйат-Иаримы мыггӕгтӕ: итриӕгтӕ, путӕгтӕ, шумайӕгтӕ ӕмӕ мишрайӕгтӕ. Адонӕй равзӕрдысты цорайӕгтӕ ӕмӕ ештаолӕгтӕ.

⁵⁴ Салмайы байзӕддӕгтӕ: вифлеемӕгтӕ, нетофӕгтӕ, атрот-бет-йоавӕгтӕ ӕмӕ Манахтийы цӕрджыты иннӕ ӕмбис, Цорайӕ чи рацыд, уыдон.

⁵⁵ Ноджы ма Иавецы цӕрӕг софериӕгты мыггӕгтӕ: тирайӕгтӕ, шимайӕгтӕ, сухайӕгтӕ. Адон се ’ппӕт дӕр рехавонты фыдӕл Хамматы артӕй рацӕуӕг кенӕгтӕ сты.