WARA'AMI 67 - Ya/abtór hho' 1977

Daa'ángw Sluufimis

(Wara'ami. Daa'aangw)

¹ Mungú ti gurtlay nee ti tsuuqi, nee atén ti ila'ari.

² Adoodá' kuúng ta sla' i xu'utit baraá yaamuuwo, xoordu sleémeero /uuruuwók kudá' ba/amamís ngu xuiye'.

³ Mungú, muu kuúng u xirfayeemisi, muu sleémeero kuúng u xirfayeemisi.

⁴ Xoordu i baraa/iye', eeít, i daaiye' ar qwala/, asma kuúng muu u sakwasleemút ar gan'amu, nee xoordaá baraá yaamu ki geeraharahát.

⁵ Mungú, muu kuúng u xirfayeemisi, muu sleémeero kuúng u xirfayeemisi.

⁶ Yaamu bu'uungw ngwa hamaaresiyé', AAKOÓ MUNGÚ, Mungúrén, taa tsuúq.

⁷ Mungú atén taa tsuúq, muu sleémeero baraá yaamuwo inós ngu ilaiwawa/i!