WARA'AMI 54 - Ya/abtór hho' 1977

Firór Baqmoó as Wakuuse

(Wara'amtá Daudi ar intsaahhasa, qoomár heé yaamaá Sifu iwa daqáy amór Sauli, nguwa báy, “Daudi aa nahhaát tla/angwrén i ale.”)

¹ Mungú, na'ás, án ba/amisáng ar umuuwók, án aleekalaa/áng ar aleesleemuuwók.

² Mungú, firor'eé' axaaseek. /ayma'aá afkwe'eé' iiárií qaaseek.

³ Asma hooma iga i haratleér, múk xaraásl i slafingw'eé' leelehhiit, inooín Mungú ngwa geerakawsi'iiká.

⁴ Qaytsiít, alee/isay'eé' an Mungú, asma Aakoó Mungú inós slafíngw'eé' gun taami kón.

⁵ Mungú muruuín kudá' tlákw i tlehhiitiyá' amor'ín i ki/isek, Aakoó Mungú, inooín hhaameeseek ar inkihhimuwók.

⁶ Aníng kuúng u sluufay'eé' i haniís ar muunuú /awaák. AAKOÓ MUNGÚ, aníng umuuwók u sluufiís as kuwa hhoó'.

⁷ Asma iga ba/amís umuúqo slahh'amko, nee hu'uumá wakuuser'eé' ngiri ár ilte'eene.