WARA'AMI 138 - Ya/abtór hho' 1977

Firór Sluufaay

(Wara'amtá Daudi)

¹ Aníng kuúng u sluufiís ar muunaáeé' sleémeero, dír geeraá munguaá lamto un wara'amtá xirfuuwók i daá'.

² Aníng kuúng u i tumbarara'aát tiwa qoomees ar afiqoomár Do'ók, kudá' hhoohhoó', án kuúng u sluufimiís as sla'aarirók ar warqawaaká nee inkihhimuuwoge, asma kuúng umuuwók nee axweesantók, iga gár afhhamít tléhh ta mura' sleémeero.

³ Bál án kuúng uwa ateét, ina mu/aywáts, aníng ina gurkwa/ás iri /uuruú i hanís baraá muunaáeene.

⁴ AAKOÓ MUNGÚ, waawitá sleémeero oo baraá yaamu kuúng u xirfayees, asma /ayma'aá baraá afkók dahhá' ngaa axaasiyé'.

⁵ Inooín tidá' kuúng ta tlehh kan xirfayees ar daa'aangw. AAKOÓ MUNGÚ, kuúng tu ló'wa xiríf.

⁶ AAKOÓ MUNGÚ tam i gawtí dirii'i, kudá' ti niinawemiís gu ga/áy, ala kudá' daara/aám inós gu qaro xuu' amór saáw wa ale.

⁷ Aníng bar baraá slahh'amaayér i dirií', aníng kuúng i de'eén. Dakók un gan'ás gawaá kudaá wakuuser'eé'. Nee dakók oo /iiyáy aníng i ba/amis.

⁸ AAKOÓ MUNGÚ, al'axweesantók tidá' naa ó', boo/eeseek. AAKOÓ MUNGÚ, sla'aarirós i warqeeraaká ay alhhe'eesay wasle. Gadiyeérók i taa iimu/uún ma mawaar boo/eesaro.