WARA'AMI 137 - Ya/abtór hho' 1977

Tsuunqumisuú baraá Yaamaá Dahaayu'uuma

¹ Ana iwiitaán afaá ya'aá Babuloni, Sayuni kawa iinslawaán ana /aa/amiimaán.

² Gidaandoorayrén una tarereaán, gawaá xaa'aá baraá Babuloni.

³ Asma kudá' atén ta lawaale tleehhiyé', kana slaá' kiwa i daa'aan. Nee kudá' ta slahh'eemisiye', kana slaá' kiwa qwal/atisaan. Tawa kaahi, “Daa'angwdú baraá Sayuni bahh daa'aare'.”

⁴ Ahaá, adór daa'ángw AAKOÓ MUNGÚ ngur daa'aan, baraá yaamaá dahi'iimaro?

⁵ Aá Yerusalému, án kiíng bira gunqareés, daqaní dakw'eé' oo /iiyáy i kongooi.

⁶ Afkwe'eé' i tawaraaki, án kiíng bira gunqareés, bar Yerusalemu aga uráy haniisiiká, ta ak qwal/uueé' kudá' ure.

⁷ AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', “Fe/aak, fe/aak, iihhafiirirós.”

⁸ Kiíng Babuloni, aga naká/ hu'uamaawo, heé amohhoó' a kudá' i li/áy buú', as adoodá' atén tira slahh'eemís.

⁹ Heé amohhoó' a kudá' na/'iiwók gi ohiím, nee gi naasúw gawaá daanduú tlaa/a.