WARA'AMI 136 - Ya/abtór hho' 1977

Daa'ángw Sluufaay

¹ AAKOÓ MUNGÚ sluufmisaak asma ku hhoó', Asma sla'aarirós i warqeeraaká ay alhhe'eesay wasle!

² Sluufmisaak AAKOÓ Mungú ló'wa úr, Asma sla'aarirós i warqeeraaká ay alhhe'eesay wasle!

³ Sluufimisaagáy Aakoó bariise, Asma sla'aarirós i warqeeraaká ay alhhe'eesay wasle!

⁴ Inós kilós muurú urén oo waa/oo/amór koóm gu tlehhiit, Asma sla'aarirós i warqeeraaká ay alhhe'eesay wasle!

⁵ Inós doori gina tleéhh ar sagalooarós, Asma sla'aarirós i warqeeraaká ay alhhe'eesay wasle!

⁶ Inós yaamu gina intláh gawaá daanduú ma'áy ale, Asma sla'aarirós i warqeeraaká ay alhhe'eesay wasle!

⁷ Inós an kudá' tsee/amá nee slahhaangw nee tsetse/uuwo gaa tleehh, Asma sla'aarirós i warqeeraaká ay alhhe'eesay wasle!

⁸ Tseee/amá guna tleéhh as iwa baalin tlaatla/ango, Asma sla'aarirós i warqeeraaká ay alhhe'eesay wasle!

⁹ Slahhaangw nee tsatse/ niwa baalina' xweeraawo, Asma sla'aarirós i warqeeraaká ay alhhe'eesay wasle!

¹⁰ Inós an kudá' na/'aá baris awa múk Misri gaa tsuu/, Asma sla'aarirós i warqeeraaká ay alhhe'eesay wasle!

¹¹ Múk Israeli guri duúx baraá tla/angw'ín wa aleeró, Asma sla'aarirós i warqeeraaká ay alhhe'eesay wasle!

¹² Ar dakós oo /uuruú koóm nee oo aleesleemuú kooma, Asma sla'aarirós i warqeeraaká ay alhhe'eesay wasle!

¹³ Inós tlawtá Shamu gaa qasiís, Asma sla'aarirós i warqeeraaká ay alhhe'eesay wasle!

¹⁴ Múk Israeli guna waarahhaás tla/angwdár ale, Asma sla'aarirós i warqeeraaká ay alhhe'eesay wasle!

¹⁵ Ala Farao guna daáhh nee slawtose baraá tlawtá Shamu, Asma sla'aarirós i warqeeraaká ay alhhe'eesay wasle!

¹⁶ Inós an kudá' mukós gwa geerahaar baraá xaanxaywo, Asma sla'aarirós i warqeeraaká ay alhhe'eesay wasle!

¹⁷ Inós an kudá' waawituú urén gwaa muux, Asma sla'aarirós i warqeeraaká ay alhhe'eesay wasle!

¹⁸ Inós waawitaádá' xu'utiít guna tsuú/, Asma sla'aarirós i warqeeraaká ay alhhe'eesay wasle!

¹⁹ Sihoni, waawutmoó múk Amori, guri gaás, Asma sla'aarirós i warqeeraaká ay alhhe'eesay wasle!

²⁰ Nee Ogu, waawutmoó múk Bashani, Asma sla'aarirós i warqeeraaká ay alhhe'eesay wasle!

²¹ Yaamuuín gay hayóh tawa aalír mukós, Asma sla'aarirós i warqeeraaká ay alhhe'eesay wasle!

²² Aalír sagadiyusmoowós Israeli, Asma sla'aarirós i warqeeraaká ay alhhe'eesay wasle!

²³ Kudá' atén taa inslay baraá daqatlakwerene, Asma sla'aarirós i warqeeraaká ay alhhe'eesay wasle!

²⁴ Dír wakuuseerene tina ba/amís, Asma sla'aarirós i warqeeraaká ay alhhe'eesay wasle!

²⁵ Umuúqo gár hiinsla gan muruú /aymár i hanmiis, Asma sla'aarirós i warqeeraaká ay alhhe'eesay wasle!

²⁶ Mungú doori sluufimisaak, Asma sla'aarirós i warqeeraaká ay alhhe'eesay wasle!