WARA'AMI 133 - Ya/abtór hho' 1977

Tsuuqaá Mungú baraá Wakleeli'iimár Hhae

(Daa'ángw ta daa'a'ati tawa Sayunír i tsa/a/an)

¹ Ga/aaweek, adór kar hhoó' nee ir sla'atimis hhae iwa dinkwár waá hootiya' ar wakleeli'iima.

² A adór di/itadá' gawaá ságw Haruni wa wa/ ay baraá daamoórós, iri hardát ay baraá pasltá tlawuuwós.

³ A adór har'uú gawaá tloomár Hermonír wa paáhh, gawaá tlom'aá Sayunír i alé. Asma Sayuni an didá' AAKOÓ MUNGÚ tsuuqa ngiwa al'axweés ay alhhe'eesáy wasle.