WARA'AMI 131 - Ya/abtór hho' 1977

Firór Heé Mungú gwa Harahhiif

(Wara'amtá Daudi)

¹ AAKOÓ MUNGÚ, muunuúeé' i dara/anká, nee ilaaeé' sleeme i gawtá ga/aya'aaká. Tam muruú dirén u leelehhiitaaká. Tam muruú /uuruueé' gu arba/abaá/ u leelehhiitaaká.

² Ala aníng aga hungu/uús nee aga xasliít, adór na/oó taa xasltís dír isángw aayoorós. Muunuúeé' a adór na/oó taa xasltís.

³ Israéli, kuúng AAKOÓ MUNGÚ harahhifeek, iimír hamí ay alhhe'eesay wasle.