WARA'AMI 130 - Ya/abtór hho' 1977

Firo as Alee/isaay

(Daa'ángw ta daa'a'ati tawa Sayunír i tsa/a/an)

¹ AAKOÓ MUNGÚ, aníng kuúng u i /aa/amiím, baraá slahha'amueé' kwí oo ista gwa'araro.

² Aáko, afor'eé' iiárií qaaseek, Iiaawoge firor'eé' tí niwa slahhahhaa' axaaseek.

³ Xáy, AAKOÓ MUNGÚ, geera kuúng barnaxes tlakweemarén in fadita, heé sihhtanór dír geeraawók ga qiítl a heemá, Aáko?

⁴ Ala dír kuunge gurtleemuú tlakweema i deer, as kahhó' atén kuúng uwa ilaiwawa/aan.

⁵ Aníng AAKOÓ MUNGÚ un daamaraám, muunuúeé' AAKOÓ MUNGÚ gun daamarán, axweesantós aga harahhiíf.

⁶ Aníng AAKOÓ MUNGÚ u ló'wa daamaraám, ta ak xuumuusér xweera matlatle ngir daamaraanda, ta ak xuumuuse looatleemu ngur daamaraanda.

⁷ Israeli, kuúng AAKOÓ MUNGÚ na harahhifeek. Asma AAKOÓ MUNGÚ sla'aarír warqawaaká ga kón, nee deelo sleémeero muu gu ba/amisár wa slaa'.

⁸ Inós múk Israeli gu ba/amis, baraá tlakweemaín sleémeerowo.