WARA'AMI 129 - Ya/abtór hho' 1977

Firo as Wakuusér Múk Israeli kawa Arba/i

(Daa'ángw ta daa'a'ati tawa Sayunír i tsa/a/an)

¹ Hám daxta Israeli i ooi, “Aníng taa ló'wa ngwaanjín iimír masoombi'iimar'eene.

² Aníng ta ló'wa ngwaanjín iimír masoombi'iimar'eene, ala taa aslayká.

³ Daandueé' kwa ló'wa muúx, mulkáy iri ganaanaá' adór hha'aá qaymo.”

⁴ AAKOÓ MUNGÚ in gan'amuú kón, inós iga gweér baraá him'ér múk tlakwe.

⁵ Mukdaádá' Sayuni gaa aahh, aluú i ki/isek ar mure.

⁶ Inooín masók ta adór gitsór gawaá daanduú do' tleehhiti, tidá' kah dír ira harma/iká,

⁷ tidá' heé ga tlaáq kuunday nguwa dalaa/iiká, laqaá heé burumburiím ilaangw nguwa bu'utisiiká.

⁸ Heé bihhaadár waaraáhh i kaahh oo gi báw, “AAKOÓ MUNGÚ nu tsuuqi! Tundu tsuuqi ar umuú AAKOÓ MUNGÚ.”