WARA'AMI 128 - Ya/abtór hho' 1977

Tsuuqaá AAKOÓ MUNGÚ

(Daa'ángw ta daa'a'ati tawa Sayunír i tsa/a/an)

¹ Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahaár.

² Muruú /aymarók un sleér ar gadiyér dabaawók, kuúng an qwalaalá/ nee an diihhe'és.

³ Hareerók baraá do'oge a adór xa'anoó sabiíbu, kuduú mamaá yariir gi koóm. Na/'iiwók kudá' nee kuúng al/ayimá', a adór harma/atá xa'anoó seituni.

⁴ Qaytsiít, adoorí an adór kur tsuuqi, heé AAKOÓ MUNGÚ gu ilaiwawaá/.

⁵ AAKOÓ MUNGÚ u tsuuqi Sayunír wa ale, as kuúng diihhooár Yerusalemu kawa aan baraá slafiingók sleémeero,

⁶ as kuúng tawa hot ay nángw naangók kuwa aan. Wayda masók i dír Israeli.