WARA'AMI 126 - Ya/abtór hho' 1977

AAKOÓ MUNGÚ Mukós nguwa Watlís

(Daa'ángw ta daa'a'ati tawa Sayunír i tsa/a/an. Wara'amtá Daudi)

¹ AAKOÓ MUNGÚ tiwa malé ki/ís Sayuni, a adór tlata direne.

² An qoomár atén qaseengo tawa hhaamaán, nay baraa/aán ar qwala/. Xoordaá hatlá' nari ooiyé', “AAKO mukós gwa gár ur i tleéhh.”

³ AAKOÓ MUNGÚ gár ur ngaa tsuwa atén i tleéhh, atén nari ló'wa qwalala/aán.

⁴ Aá AAKOÓ MUNGÚ, mukrén kudá' taa tseék baraá yaamaá hatlá' ki/isang, adór ma'aá taa wa/ás baraá xaanxoó Negebu.

⁵ Múk aa dahaasíngw ay ar hhirhheeri, ngu bu'uná' ar bara/.

⁶ Tan ti'imiit ar /aa/ee tawa qware/amaá dahaasíngw kon, nin watliyá' ar bara/, tawa bu'úngw kon.