WARA'AMI 124 - Ya/abtór hho' 1977

Mungú a Baqmoó Mukós

(Daa'ángw Daudi)

¹ Bar AAKOÓ MUNGÚ i bartaréní dirii'iiká, múk Israeli ni ilawatsi.

² Hám bar AAKOOWOOKÁ oo bartarén i dirií', qoomár muu iwa amoorén i slaqwi,

³ geerawo atén sleémeero taa slafi gu/ún, qoomár tawa atén i buúhh.

⁴ Geera wakuuserén tira tleér adór aluuór ma'áy wa ale. Geera atén yaae tira wá/.

⁵ Geera gwaanduú ma'aay, atén tira waá/.

⁶ AAKOÓ MUNGÚ i xirfuuti, asma atén tiwa haniisiiká gawaá dabaaín i alé.

⁷ Atén ana /akumitaán adór tsir/ír aa baraá tsaaxweelír wa kotsqot. Tsaaxweeli aa hhitirút, atén aga kotsqotaán.

⁸ Alee/isayrén amór i dahhi a amór AAKOÓ MUNGÚ, kudá' doori nee yaamu gaa tleehh.