WARA'AMI 123 - Ya/abtór hho' 1977

Firo as Gurtleemu

(Daa'ángw aa'aá deelór ur ar qwal/amaaye)

¹ Án kuúng ugwa i qaytsiít, kuúngudá' aga iwit gawaá doorií ale.

² Adór sagadiyuuse heedaádá' ta sagadiyuusi kur harahhifi, adoodá' sagadiyuso'o tidá' i sa gadiyus ngir harahhiif, adoorí an adoodá' ilaarén AAKOÓ MUNGÚRÉN ngur ga/ayá', ay dír inós atén tay gurtlay.

³ Atén ti gurtleer, AAKOÓ MUNGÚ, atén ti gurtleer, asma atén taa ló'wa waaqaá'.

⁴ Atén aga ló'wa slaaqataán waaqaqauú múk daqaareero. Tina tawo tleéhh nee múk daara/aám kwaáo' atén an mukooká.