Psalms 99 - Iñupiatun Mumiksat UqalugiksuatGod Qaukłiqpiaguruaq Umialik 1 Ataniq umialguruq, aasii iñuich uuliksiḷit. Aquppiruq qulaanni cherubim, aasii nuna aulali. 2 Ataniq kamanaqtuq Zion-mi; suli kamanaġniqtauvluni nunaqpapayaaniñ. 3 Nanġaġlirruŋ kamanaqtuaġlu aliuġnaqtuaġlu atqa. Ilaa Salumaruaguruq! 4 Suaŋŋatiqpaqaqtuatiin umialiik, piqpagigiñ suna iluaqtuaguruaq; inillaiŋarutin pitqiksiġautaitchuakun aŋalatchiñiġmik Israel-mi; iluaqtualiqiniq qaipkaŋagiñ suli atunim aŋalatchiñiq. 5 Nanġaqtauli Ataniq God-ikput; Aŋaiyyuvigisiuŋ sivuġaani aquppiutaqpaŋani! Ilaa Salumaruaguruq! 6 Moses-lu Aaron-lu God-im aŋaiyyuliqsiqpaŋisa iḷagiŋagaik, suli Samuel aŋaiyyusuuŋaruaq ilaata atqanun; ququulaŋarut Ataniġmun, aasii ilaata kiuŋagai. 7 Uqautisuuŋagaich nuvuyamiñ; kamaksriŋarut pitquraŋiñiglu piraksriqsuutiŋiññiglu. 8 Ataniiq, God-auruatiin uvaptinnun, kiusuuŋagitin iñugiratin; iḷitchuġipkaŋagitin ilvich God-auvlutin suliqutigiŋaiqsiḷḷatilaaġnik, tatavsaġuugaluaqługich pisigivlugich piḷuusiqiaŋich. 9 Qutchiksirauli Ataniq God-ikput, suli nanġaġlugu salumaruaguruami qimiqqamni! Ataniq God-ikput salumaruaguruq. |
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
American Bible Society