Psalms 87 - Iñupiatun Mumiksat Uqalugiksuat

Nanġaqługu Jerusalem

Psalm aglaaŋat iḷaŋisa Korah-m; atuun.

¹ Atanġum maŋŋuni inillaŋagaich salumaruami iġġimi;

² Nakuaġiłhaaŋaniġaa iniqpak Jerusalem allaniñ inauruaniñ Israel-mi.

³ Naalaġnisitchi, God-im iniqpaŋaniittuasii, aliuġnaqtuanik uqaġman ilivsigun:

⁴ “Iḷḷatiniaġikka Egypt-lu Babylonia-lu agliutigupkich kamaksrisuuruat uvamnik; iñuŋich Philistia-m, Tyre-m, Ethiopia-m kisiuqatiginiaġitka iñuŋiñun Jerusalem.”

⁵ Zion inna uqallausiġiniaġaa, “Iluqaġmiŋ nunaqpauruat tavraniiniaqtut, aasii Sapiġñaqtuaguruam ilaata suaŋasipkaġniaġaa.”

⁶ Atanġuruaq agliurriñiaqtuq iñugnik iḷagilugich iluqaisa Jerusalem-miuyaaġuġlugich.

⁷ Aŋayupkaqtillugich atuġniaqtut, “Zion piqaqtitchiruq quviasuusiaġipayaaqtaptignik.”