Psalms 82 - Iñupiatun Mumiksat Uqalugiksuat

God Qaukłiqpiaguvluni Aŋalatchirauruq

Psalm aglaaŋa Asaph-gum

¹ God una aŋalatchiruq qiḷaŋmiittuanik god-auruanik; isivġiiraqtuq akunġanni god-auruat:

² “Isivġiiḷḷaiqsuksraurusi nalaunŋaŋitchuakun; pigiiḷḷiqirauruat iviġaksimaaŋaiqsuksraġigisi!

³ Ikayuġlugich iḷiappauruat suli aŋayuqaagitchuat; atunim aŋalallugich piiḷḷiuqtuaguruallu ikayuqtiksraitchuallu.

⁴ Annautilugich piiḷḷiuqtuat sayaitchuallu pigiiḷḷiqirauruaniñ.

⁵ “Sumik nalurut, kaŋiqsisaiñmiut! Taaqtuakun piaġiitchuaḷiqirut; nalaunŋaruakun isivġiiñiq qiñiġnaiġutiŋaruq nunami.

⁶ ‘Uvva ilivsi god-aurusi,’ Uqallaktuŋa; ‘iluqavsi miqłiqtuġigaasi pavruma Qutchigñiqtauruam.’

⁷ Tuquniaġmiusiptauq aglaan iñugruiññatun; iñuggutisi isukłiññiaġmiut tainnaptauq aŋalatchirauruatitun.”

⁸ Makillutin, God-auruatiin, isivġiġuŋ manna nuna; nunaqpaupayaaqtuatkii kiŋuvaannaktaaġiniaġitin.