Psalms 8 - Iñupiatun Mumiksat Uqalugiksuat

God Qaumanġa Iñuuvlu Nalaunŋaruaguniŋa

Atuqtit aullarriŋannun: piḷġusiatun Gittith. Psalm aglaaŋa David-gum.

¹ Ataniiq, Ataniqpuut, kamanaġniġiñ tautugnaqtuaguruq nunapayaurami! Nanġausiaqaqavich pamuŋa tikiumasuummiuq qiḷagnun;

² atuutigivluguasii miqłiqtut miqłiqtuurallu. Navianniuġutiksraitchutin anayanaił̣ł̣utillu akiḷḷipayaaġniñ; qapiqtisiññaugiñ akiḷḷiqsrupayaaqtuaq ilignik.

³ Qiñiġaluaqapku qiḷak, Ilvich savaan, tatqiq uvluġiallu, inillaktuakkatiin iniksrallaaŋiññun—

⁴ suunnaumavat makua iñugruiññat isummatigillakapkich; iñułhiñat, qaunagiratin?

⁵ Savaaġimammigitin alliugurallakługich Iligniñ; niaquġusiqł̣ugich qaumaniġmik qiksikkunmiglu.

⁶ Inillaŋagitin atanniqsuiriġuqługich savaapayaaġnun; qaukłiliutiŋagitin savaapayaaġnun;

⁷ imnaiñun suli pamiqsaanun, pamiqsaaguŋitkaluaqtuallu taputivlugich;

⁸ tigmianun iqalugnun niġrutipayaaŋiññullu taġiupayaat.

⁹ Ataniiq, uvagut Ataniqpuut, kamanaqtuagutilaan qiñiġaa nunapayauram!