Psalms 72 - Iñupiatun Mumiksat Uqalugiksuat

Aŋaiyyun Umialigmun

Aglaaŋa Solomon-gum.

¹ Aitchuġuŋ Umialik isivġiqsiutignik, God-auruatiin, iluaqtualiqiniġiḷḷu qaiḷḷugu umialgum iġñiŋanun.

² Ilaatuq isivġiiyumagai iñutin iluaqtuakun, iluiḷḷiuqtitauruallu pitqiksiġautaitchuakun.

³ Iġġittuq qaitchilit piḷḷuataunmik iḷaŋaniñ iñugnun; qimiqqat siiġñaŋa iluaqtuaguniġum.

⁴ Ikayuġligittuq piiḷḷiuqtuat iñugni suli annautilugich miqłiqtuŋich; akiisiḷḷuġiḷḷu nagliksaaqtitchirich.

⁵ Iñukpintuq nanmiñiq nanġaqtuaġlisin siqiñiq siqiññaaġiḷḷaŋŋaan, tatqiġḷu qaumaŋŋaan, taimuŋaaglaan.

⁶ Umialiktuq arriḷiñaġli sialuktun tuttuatun nautchiaqaġvigñun, ivsaktuatun imaqtiqługu nuna.

⁷ Iluaqtuaguruaq nauriḷḷuataġuni iñuuniqtutilaaŋatun, piḷḷuatautigiraalu sivisutigiluni tatqim qaumanġatun.

⁸ Ilaan umialgutaa tikiḷḷaniaqtuq taġiumiñ taġiumun, Euphrates-miñ isuŋiññuaglaan nunam.

⁹ Iñuich nunagluktuamiittuat purviginiaġaat; akiḷḷiiŋisalu alugniaġaat avyu.

¹⁰ Umialguruat Tarshish-mun qikiqtauruallu maniviginiaġaat aitchuutimignik; umialguruak Sheba-mullu Seba-mullu aitchuiñiaġmiuk.

¹¹ Umialigupayaaqtuaq punniaqtuq sivuġaanun; nunaqpaupayaaqtuat savautiniaġmigaat ilaa.

¹² Ilaa annaurrisuuruq iḷiappauruanik ququullavigimmanni, tamatkualu piiḷḷiuqtuat ikayuqtaitchuat.

¹³ Naglikkutiqaqtuq iḷiappauruanun piiḷḷiuqtuanullu; annautivlugich piiḷḷiuqtuat tuqqunmiñ.

¹⁴ Annautivlugich pimaqłuktaunmiñ piaqłuktaunmiḷḷu; piññaġnaqtuq ataŋ ilaisa auŋat ilaanun.

¹⁵ Sivisuruamiktuq iñuggutiqaġli umialik! Qaitchiḷugu manigmik kaviqsuamik Sheba-miñ; Iñuittuq aŋaiyyutilirruŋ; quviasuusiaqaqtillugulu uvluqtutilaaŋatun!

¹⁶ Inuŋaŋiḷḷuniḷu palauvaksranik nunami; qimiqqallu matuqaġlutiŋ palauvaksranik, Palauvaksraqtuq naulguli Lebanon-tun. Nunaaqiŋiḷḷu iññuaġigḷutiŋ, arriqaġli ivigaaqviiññatun.

¹⁷ Umialguptuq atqa puiguqtauŋaiḷḷi; tutchaġigñiŋa sivisutigili siqiñġum sivisutilaaŋatun. Nunaqpaupayaaqtuattuq apiqsriḷich God-miñ quviasuusiaksramignik ilaan quviasuusiaksrirrutaatuttauq umialigmun.

¹⁸ Nanġaqsiuŋ, Ataniq God-auruaq, God-iŋat Israel-miut! Kisimi savallaruq tamatkuniŋa aliuġnaqtuanik.

¹⁹ Nanġaqsiuŋ, qaumanaqtuaq atiŋa, isuitchuamun! Qaumanġatuq siḷipkaaġliuŋ nunapayauraq. Aamian! Aamian!

²⁰ Tavra isukłitchut aŋaiyyutai David iġñiŋata Jesse-m.