Psalms 70 - Iñupiatun Mumiksat Uqalugiksuat

Aŋaiyyun Ikayuquvluni

Atuqtit aullarriŋannun. David-kun. Nalunaiḷutchiutiŋaruamun aitchuun.

¹ Annauttuŋŋa, God! Ataniiq, ikayuŋŋa akkupak!

² Tuqutchiñialaruattuq uvamnik akiiḷḷich qanuqsausiiqsitaulutiglu. Quviasuktuallu isumaaluutipkun utiġragiaqtitaulich kanŋunaqsiḷiqtaulutiglu.

³ Kipakłiqsuallu uvamnik kanŋutchaglich akiiññamiŋ.

⁴ Tamatkualu Ilignun ullautipayaaqtuat qaamatchaglutiŋ quviatchaktitaulich. Tamatkualu quyyatiqaqtuat annautiksrirrutignun ataramik uqaġlich, “Qanutun kamanaqtigiva Ataniq!”

⁵ Uvaŋakii sayaitchuŋa iḷiappauruŋalu; ullagnasuaŋŋa, God-iiŋ. Ikayuqtigigikpiñ Annaurrigigikpiḷḷu, Ataniiq qilamik anniqsuġiaŋŋa!