Psalms 65 - Iñupiatun Mumiksat Uqalugiksuat

Nanġautauruaq Quyyallu

Atuqtit aullarriŋannun. Psalm aglaaŋa David-gum. Atuun.

¹ God-auruatiin, iluaqtuq nanġaqaptigiñ Zion-mi aasii unniqsuqłiisivut nalautiłługich ilignun,

² aŋaiyyutivutkii kiusuugitin. Iñuich sumiḷḷiqaa ullagniaġaatin

³ piḷuusiqiatiŋ pisigilugich. Killukuaġutipta akiisittaġigaatigut, aglaan ilvich suliqutigiŋaiḷḷagitin.

⁴ Quviatalaaġlich ilvich naliġaaġiratin, qaġġisiratin iñuullasivḷugich Salumaruami Aŋaiyyuvikpagni. Iviġaummatiginiaġivut nakuuruat iglugniittuat, quviasaaġusiaŋich Salumaruam Aŋaiyyuvikpakpich.

⁵ Kiusuugivsigut akimmasiqł̣uta, aliuġnaqtuakun savautivluta annautisaqłuta. Nunapayaamiittuat iñuich suli akiani uŋasiksuat taġiut ukpiqsraġvigigaatin.

⁶ Inillaŋagitin iġġich suaŋŋatikkun, maniuġiñ kamanaqtuaq suaŋŋatigiran.

⁷ Tuaksruiqsillammigikkiñ qaiḷḷiqpaŋalu taġium nipaalu qaiḷḷiqpaum; tuaksruiqsillagitin tuavaallagmata iñuich.

⁸ Nunapayaaq iluqani aliuġusuktuq kamasuutigivlugich savaalluatatin. Ikayuutiqpakpich atuusiqsitkaich quviasuunmi maaŋŋa nunam isuaniñ taavuŋaaglaan isuanun.

⁹ Manisuugiñ qaunakkutin nunamun sialuktiłługu; nunalluataq nauyumiññaksaaqługu. Ulitiłługich kuuġuluurat imiġmik; inuŋaiqł̣ugu nuna nauruksrauruanik. Innauvva piraqtutin:

¹⁰ sialuktilluataqługu nauyumiññaksaaqtanun nautchiaqaġvigñun aasii ivsaktiłługich immamik; aqikł̣ipkaqługu nuna sialugmik taimmaasii nautchirriutiqqammiat naugaqsivḷutigli.

¹¹ Iḷaŋaniñ kivluaksraqaqtuq nakuuruaguniġniñ qairuamik! Sumupayauraġavich inuŋŋataitchuq.

¹² Nunaraat siḷivinŋarut pamiqsaanik; qimiqqat siḷvinŋarut quviasuunmik.

¹³ Nunaraat siḷvinŋarut pamiqsaanik; natiġnaat palauvaksraukaqtut. Sunapayaaq iñuktun avaalauqtuq suli atuqtut quviasuutinik.