Biblia Todo Logo
Bìoball air-loidhne

- Sanasan -

Psalms 61 - Iñupiatun Mumiksat Uqalugiksuat


Aŋaiyyun Munaġitquvluni
Atuqtit aullarriŋannun. Nuqaqtiligaqłuni. Aglaaŋa David-gum.

1 Tusaagguuŋ qirratiga, God-auruatiin; naalaguŋ aŋaiyyutiga!

2 Suksraaqtaupiallaŋavluŋa uŋasigmivḷuŋa aimaaġvimniñ ququularuŋa ilignun! Navianaitchuamuutiŋŋa uqqirviksramnun,

3 atakkii munaqsrigigikpiñ, suaŋaruaq akisaqtuqtiga akiḷḷimnun.

4 Iñuulaŋa tupiġni iñuuniqtutilaamni; annaksimaaġvigilagik ataaŋik isaqqukpich.

5 Tusaaŋagitin unniqsuqłiisitka, God-auruatiin, ilviḷḷu aitchuŋagigma piññaktaaŋiññik qiksiksraqtuat ilignun.

6 Ukiuksrivsaasugruguŋ umialgum iñuggutaa; iñuusaġataġli sivisuruamik!

7 Atanniqsuiyumauq isuitchuamik takkuġni, God-auruatiin; qaunagiuŋ isuitchuamik nakuaqqutignik suli ukpiġnaqtuaguniġnik.

8 Tainnamik tavra nanġaġlutin atuqsaġataqtuŋa ilignun, uvlutuaqpallu aitchuiḷuŋa unniqsuqłiutigiŋaramnik.

Iñupiatun Mumiksat Uqalugiksuat (North Slope Iñupiaq Bible) © American Bible Society.

All rights reserved.

Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:

American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)

American Bible Society
Lean sinn:



Sanasan