Psalms 6 - Iñupiatun Mumiksat Uqalugiksuat

Aŋaiyyun Ikayuqtisiun Iłuiḷḷiuqtuni

Atuqtit aullarriŋannun: nuqaqtiligaqłuni; piḷġusiatun Sheminith-gum. Psalm aglaaŋa David-gum.

¹ Ataniiq, qinnaŋallaqpich suaktuġniaġnaŋa! Tatavsaġnaŋa qinnaŋallaqpich!

² Uvva piḷaipiallaŋaruŋa, Ataniiq; nagligillagniaŋŋa! Suaŋasipkaŋŋa; uvvaataŋ saunitka nagliksaaqpaktut.

³ Sulliñipayauraġauvva iluiḷḷiuliqpaktuq. Qakuguaglaan imña, Ataniiq, ikayuġumaliġisiviŋa?

⁴ Qaiḷutin annauttuŋŋa, Ataniiq; nagliktuutigirakkun tuqqutiksramniñ annauttuŋŋa.

⁵ Nunaŋanni tuquŋarat itqaumasuitkaatin; kiaunnii nanġaaġiyumiñaitkaatin tavrani.

⁶ Piḷaiḷḷakkamauvva qivġuvaił̣ł̣uŋa; unnutuaġman siñigviga uġġullagaġigaa qirratigma; akisiga aġił̣ł̣ugu qulvigma.

⁷ Tautupqaqtaliŋaruŋa; irraka puvinŋavaił̣ł̣utik qivġupkaqpaił̣ł̣uŋa akiḷḷiima.

⁸ Piiġitchi uvamniñ, piaġiiḷḷiqirauruasii! Atanġum tusaagaa qiñuuqtuaġutigikkaġaa;

⁹ naalaġnigaaŋa ikayuqtisiuġvigikamni kiuniaġmigaa aŋaiyyutiga.

¹⁰ Akiḷḷiima puttuqsrigisigaat kanŋunaġaluaqsimatilaaŋanik akimmataiññiġum; tavrauvvaa qanuġviiqsaupkaġlugich uŋutaugisirut.