Psalms 5 - Iñupiatun Mumiksat Uqalugiksuat

Aŋaiyyutauruaq Qaunagitquvluni

Atuqtit aullarriŋannun: suvluaqtuġnaqtuanun atuqtuuranun. Psalm aglaaŋa David-gum.

¹ Naalakkich uqalutka, Atanġuruatiin, tusaallalugich aniqsaappirrutigikkatkaa.

² Tusaagguuŋ ikayuqtisiuqłuŋa nivlirautigiraġa, God-iiŋ Umialiiŋ! Aŋaiyyuvigigikpiñ ilvich, Ataniiq;

³ tusaaraġigiñ uvlaami iġñagikkaġaa; siqiñġum nuisauraġniŋani aŋaiyyuraqtuŋa; utaqqivḷuguasii kiggutin.

⁴ Ilvich God-auruatiin iviġaumagiŋitkiñ piḷuusiqinik; pigiiḷḷiqunmun takkuksraaqtitchuitchutin.

⁵ Qiñilguitkitin unnii arguaŋaaqtuat; uumigigitin piḷuusiqiripayaat iñuich.

⁶ Suksraaqługich sagluturuapayaat naġġuksraqtuagurutin iñuaġumaruanik, iḷumuuġutaitchuaniglu iñugnik.

⁷ Aglaan nakuaqqutiqpaiñ pisigivlugu ullautiyumiñaqtuŋa iglugnun; nanġaiyyaġumiñaqtuŋa Ilvich salumaruamun Aŋaiyyuvikpagnun aasii purvigilutin qutchiksuaġilutin.

⁸ Ataniiq, iñugiaktuanik akiḷḷiukkaqtuŋa! Igliġutiŋŋa pisuutikkuaquluŋa; apqusiuqtallu uvamnun maliġuayunaqtillugu.

⁹ Akiḷḷiima uqaluŋich ukpiġnaitchuurut; suksraunġiisuksiññaqtut. Uqayuqsaayuġaluaqtut, siḷivinŋarut aglaan tuqunaligmik sagluqqunmik.

¹⁰ Suksraakkich tatavsaġlugiḷḷu, God-auruatiin; Sivunniuġutaattuq ilaiññun utiġragluni maqulich. Avuŋaqtukkich iliŋniñ pisigilugich piḷuutisalaŋich paaqłaŋŋataatigullu ilignun.

¹¹ Tamatkua aglaan navianaitchuaqsiuqtuat Iligniñ quviasugniaqtut; atuqtuaġisirut quviasuunmigni. Navianniuqtinniaġnagich Ilignik nakuaqsriruat; pisigivlutin quvianġurut iḷumutupiallak.

¹² Quviasuktitkitin Ilignik kamaksriruat, Ataniiq; nakuaqqutikpich qaumagigaich akkiaġautiqaqtuatun.