Psalms 47 - Iñupiatun Mumiksat UqalugiksuatKamanaġniqsrauruaq Aullarri Atuqtit aullarriŋannun. Psalm aglaaŋat iḷaŋisa Korah-m. 1 Pattakulasitchi quviasuglusi, iñupayaat! Nanġaqsiuŋ God quvianaqtuanik atuutinik! 2 Ataniq, Qutchigñiqsraq, qiksigiraksrauruq; kamanaqtuaq umialik, atanniqsuiruaq nunapayaamik. 3 Ilaan akimmatiqaqtitkaatigut iñupayaaniñ; atanniqsuipkaqłuta nunaqpaupayaaqtuanik. 4 Ilaa nunaksramaaġurrigimmigikput iñuuviksraptignik, piviaġipiaqhuta iñuliutikamisigut, nakuaġivluta. 5 God aquppiutaqpagmiñuktuq. Qasalaaqtut quviasukłutiŋ atuqtuurausiqpagmivḷutiŋ, Ataniq mayuġman. 6 Atuutinik nanġaqsiuŋ God; atuġitchi nanġaġlugu Umialikput! 7 God-kii umialguruq iluqaanun nunamun; nanġaqsiuŋ atuutinik! 8 God aquppiruq salumaruami aquppiuttamiñi; atanniqsuiruq nunaqpagnik. 9 Aŋalatchiriŋich nunaqpaich katittut atautchimun piqatigivlugich iñuŋich God-auruam Abraham-mun. Aglaan suaŋŋatiqałhaaqtuq Ilaa aŋuyaktipayaaniñ; atanniqsuiriniñ qutchigñiqsrauvluni. |
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
American Bible Society