Psalms 4 - Iñupiatun Mumiksat Uqalugiksuat

Anaqami Aŋaiyyun Ikayuqtisiuqłuni

Atuqtit aullarriŋannun: nuqaqtiligaqłuni. Psalm aglaaŋa David-gum.

¹ Kiuŋŋa aŋaiyyuguma, God, sapunniaqtiiŋ! Iłuiḷḷiuliqpagnimni, ilvich ikayuŋagigma. Naglikkutiqaġiñ uvamnun aasii tusaagguuŋ aŋaiyyutiga.

² Qanutuaglaan immaimña pisaaŋaniaqsimavisiñŋa ilivsi iñuich? Qanutullu sivisutigilugu piviuttaqsriñiaqpisi anniqsuutauŋitchuanik qanutun sivisuruamik sagluuġniaqpisi?

³ Itqaumalugu Ataniq naliġaŋatilaaŋa iñugnik iluaġniaqtuaguruanik pigisukługich Ilaata, suliasii tusaallavluŋa aŋaiyyukama.

⁴ Uulillavsi iqsiḷiġitchi piḷuusiqiugaŋaiġitchi; taamna tuniqtusiḷugu isummatigisiuŋ, tuaksruiqpan nallaġuvsi tuttaavsigñun.

⁵ Qaitchisitchi iluaqtuanik aitchuutinik ikipkaqtanik Ataniġmun, ukpiqqutiksiḷu tunŋapiallaglugu Ilaanun.

⁶ Iñugiaktuat inna uqaqtut, “Kia nakuuruanik qiñiqtinniaqpatigut, Atanġuruatiin? Qiñiqtigut iviġaumagiluta!”

⁷ Quviasuun aglaan Ilvich qaitchan uvamnun nuimałhaaqtuq palauvaksraukkaġniġmiḷḷu wine-gukkaġniġmiḷḷu.

⁸ Nallaqama, tutqikł̣uŋa siñigluataġuuruŋa; kisivitualuk, Ataniiq, qaunagisuugigma navianaipiallaktuakun.