Psalms 26 - Iñupiatun Mumiksat Uqalugiksuat

Aŋaiyyutaa Iñugiksuam

Aglaaŋa David-gum.

¹ Kilgutigiŋŋa pasiraksraitchualiḷuŋa, Ataniiq, qanukkii iluaqtualiqisuuruŋa ukpiġipiallakłutillu.

² Qimilġuuŋŋa uuktuaġluŋalu, Ataniiq; uuktuġlugu uummatiga isummatigalu.

³ Nakuaqqutin sivuġamniittuq ataramik; Iglauvigigiga iḷumun ittuaguniġiñ.

⁴ Piqasiqsuutisuitchuŋa arguaŋaaqtuanun iñugnun; iḷḷatiniaŋitchuŋalu piŋŋuaqtinun.

⁵ Uumigivlugich piqatigisuguyuitkitka pigiitchualiqirit aquppiqatigisulaił̣ł̣ugiḷḷu pigiiḷḷiqirit.

⁶ Ataniiq, Argatka iqaġigitka nalunaiqsaqługu patchisaisilaaġa avluġaaqłuŋalu nanġaqłutin kiavallakługu ikipkaiviiñ.

⁷ Atuqtuŋa quyyanmik uqausiġivlugiḷḷu aliuġnaqtuat savaatin.

⁸ Piviuttaġigiga aimmaviiñ, Ataniiq, kamanaqtuaguniqpich irvia qaumaniqaqłuni.

⁹ Suksraunġiqtinnagu iḷitqusiġa piḷuktuatigun; nalautchaaqtinnaŋa ullagniaqtaŋanun iñuaqtuqtit—

¹⁰ savaaġiraŋat pigiitchuaq ataramik uqayutaksraqsiuqtuaqhutiŋ.

¹¹ Uvaŋaaglaan, iluaqtualiqisuuruŋa; nagligiluŋa annauttuŋŋa!

¹² Annaksimaaqtuŋa navianniuġutipayaaniñ; takkuanni iñugiraisa nanġaġiga Ataniq.