Psalms 21 - Iñupiatun Mumiksat Uqalugiksuat

Nanġaun Akimmanmun

Atuqtit aullarriŋannun. Psalm aglaaŋa David-gum.

¹ Umialik quviasuktuq, Ataniiq, uvvakii suaŋŋasiġiñ; quviasupiallaktuq uvvaataŋ akimmatiqaqtilgitkiñ.

² Aitchuġmivḷugu pisupiakkaŋaniik; kiuvlugulu apiqsriaŋagun.

³ Qaġġirrivḷugu kamanaqtuanik quviasuusianik. Niaquġutchiġmivḷugu manigmik kaviqsuamik

⁴ Iñuggusiqumman, ilvich qaiñmigiñ, takisivḷugu inuaŋaitchuamik iñuullasivḷugu taimuŋaaglaan.

⁵ Qiññaŋa kamanaqtuq ilvich-kii ikayuqługu; qiksigñaqsiqpaŋagiñ annuġaaqługu qiñiyunaqpaktuanik.

⁶ Quviasuusiaksrirrutitin ilaaniittut taimuŋa isuitchuamun, nayuutiniqpich immiġuugaa quviasuunmik.

⁷ Umialik ukpiqsraqtuq Ataniġmun Sapiġñaqtuamun; Atanġum nakuaqqutaa nuŋusuiḷaaq pisigivlugu ilaa aulayyaktauyumiñaipiaqtuq.

⁸ Umialgum pisaġiniaġaich akiḷḷipayaani; pisaġiniaġai uumiksripayaaqtuat inmiñik.

⁹ Suksraunġiġñiaġai ikualaruatun igniqtun niptaġumi. Atanġum tamuluktiġisigai qinnaliġumi, suli igniġum ikiniaġaich.

¹⁰ Kiŋuvaaksraqaġniaŋitchut; tamatkiġḷugich tuqunniaġitin iñuuruat nunami.

¹¹ Sivunniuġaqtut, sukun paaqłautiksriuqługu, nalaunniaŋitchut aglaan.

¹² Pisiktaaġniaġai qaġrumiñik aasii utinmun qimaariḷugich.

¹³ Nanġaġivsigiñ, Ataniiq, suaŋŋatiqpaiñ pisigivlugu! Atuġniaqtugut nanġaġlugulu suaŋŋatin.