Psalms 20 - Iñupiatun Mumiksat Uqalugiksuat

Aŋaiyyutauruaq Akimmatiqaġuktuamun

Atuqtit aullarriŋannun. Psalm aglaaŋa David-gum.

¹ Atanġuptuq kiulisin iluiḷḷiuġniġni! God-iŋatalu Jacob kuttaqsaiḷiḷutin!

² Tiliriḷisuq ikayuqtiksraġnik Aŋaiyyuvikpagmiñiñ ikayuqtiksraġniglu Mount Zion-miñ.

³ Akuqtuġligitchuq aitchuutipayaatin iviġaumaluniḷu iluqaisigun ikipkaqługich aitchuutignik.

⁴ Aitchuġlisittuq kaviuġiraġnik sivunniuġutipayaatin nalautinmiḷugich.

⁵ Uvagulliasii qasalaaġluta quviasuutigilugu akimmatin quviatalaaġutigilugu akimmatin nanġaġlugu God-ikput. Atanġuptuq qaiḷḷigich apiqsriapayaatin.

⁶ Akkupak uvva iḷitchuġiruŋa Ataniġmun akimmasiqsilaaŋanik umialiksraqtaani; kiugaa salumaruamiñ qiḷagmiñ aasi Ilaan suaŋŋanmigun kamanaqtuanik akimmasiġaa.

⁷ Iḷaŋisa iñuich ukpiġisuugaich aŋuyaunnatiŋ aksraktuurat iḷaŋisaptauq tuttuqpatiŋ, uvagulliaglaan ukpiqtugut Atanġum God-ipta atqata suaŋŋataanun.

⁸ Ukpiqsraqtuat suġauttanik iñuich puukaktaġlutiŋ ulġuniaqtut, uvagulliasii makinniaqtugut aasii aulayaiḷḷuta.

⁹ Akimmasiġuŋ una umialik, Ataniiq; kiusaġiptigut ququulaguptigiñ.