Psalms 2 - Iñupiatun Mumiksat Uqalugiksuat

God-im Umialiksraqtaaŋa

¹ Summan makua nunaqpauruat sivunniuġaġivat paaqłaŋŋatiksraqsiuqhutiŋ? Summan iñuich suunnauyumiñaitchuanik sivunniuġuuvat?

² Umialiŋich aasii paaqłaŋasivḷutiŋ, Atanniqsuiriŋich atautchimukhutiŋ sivunniuġaqtut paaqłaŋaruanik Ataniġmun paaqłakługulu umialiksraqtaaġikkaŋaa.

³ “Anisauvagut atanniqsimmataanniñ,” uqaqhutiŋ; “piiqsillakput atanniqsimmatigikkaŋat.”

⁴ Qiḷagmi aquppiutamiñiñ Ataniq iglaqtuq kipagigaich.

⁵ Qinnallaġmiasii suakługich, iqsittualatchivḷugich aasii qinnakpautimiñik.

⁶ “Zion-mi, Uvaŋa salumaruaġivlugu qimiqqamni,” uqallaktuq, “Uvaŋa ilaaguaġiga umialiksraqtaaġa.”

⁷ Umialik uqallaktuq “Kiligutiginiaġiga Atanġum uqallausiġiraŋa. Uqallautigaaŋa: ‘Ilvich iġñiġigikpiñ; uvlupak aapaliutigigma.

⁸ Apiqsriiñ, aitchuġumagikpiñ nunaqpaupayaaqtuanik; Nunapayauraq iluqaan pigiliutiniaġiñ.

⁹ Navigniaġitin savił̣hamik anaullaugauramik; naqtuġaalalugich qikutun utkusiktun siqummalaaqtuatun karummalaaqługu.’”

¹⁰ Uvva naalaġnisiuŋ una kiliktuun, ilivsi umialguruasii; iḷitchivigisiuŋ, ilivsi igliġurriruasii nunamik:

¹¹ Savautisiuŋ Ataniq qiksikkutiqaġlusi; uulikkaluallavsi

¹² purvigilugu Ilaa; atakkii akkupapiaq qinnałłakpiaqtuq, akkupaiññaġlu tuqulutin. Quviasuutiqaġlich iluqaġmiŋ Ilaanun annaksaqtuat navianaitchuaqsiuqhutiŋ.