Psalms 16 - Iñupiatun Mumiksat Uqalugiksuat

Aŋaiyyutaa Nalupqisuŋitchuam

Psalm aglaaŋa David-gum.

¹ Munaġiŋŋa, God, ukpiqsraqtuŋa iliŋnun navianaitchuamiitinniaqtilaamnik.

² Uqallaktuŋa Ataniġmun, “Ilvich Ataniġivlutin; Nakuuruapayaat piññaktaatka qaiŋarut iligniñ.”

³ Qanutun nakuutigivat Atanġum iñuŋi iḷumutuuqtuat! Quviasupiallaguuruŋa piqatigikapkich.

⁴ Upisalaguurualli allanun god-inun inmignik iluiḷḷiuġusivsaaġmiraqtut. Uvaŋa iḷaksruutiniaŋitchuŋa ikipkaisiŋiññun; aŋaiyyuviginiaŋitkitkalu god-iŋich.

⁵ Ilvich, Ataniiq, kisivitualuk pigigikpiñ, aitchuġuuvluŋalu pigiraksraġipayaakkamniik; tikiññiakkaġaa taimma argagmiutaġigiñ.

⁶ Qanutun aliuġnaqtigirut aitchuusiatka iligniñ; Qanutullu nakuutigirut!

⁷ Nanġaġniaġiga Ataniq, igliġutigaaŋakii, unnuamiasii uummatigma kiliktuqtuaġuummigaaŋa.

⁸ Nalunaigisuugiga nayuutiniŋa Atanġum; qanittuq, aasii sum unnii aulayyakkumiñaitkaaŋa.

⁹ Tainnamik quyyatiksraukkaġuuruŋa quviasukłuŋalu, nalupqigiŋitkiga tuniqsimmatiqaqtilaaġa payaŋaitchuamik,

¹⁰ atakkii munaġigigma suaŋŋataaniñ tuqqutim. Savaurriruŋa ilignik iḷumutuuqłuŋa, aasii tamauŋaiññaġniaŋisimagigma nunaŋannun tuquŋaruat.

¹¹ Iḷisautiniaġiŋma apqunmik kaŋŋirviqaqtuamik iñuggunmun; nayuutiniqpich siḷipkaaġaaŋa quvianamik quviasuktuallasivḷuŋalu taimuŋa isuiḷaamun.