Psalms 150 - Iñupiatun Mumiksat UqalugiksuatNanġaqsiuŋ Ataniq! 1 Nanġaġli Ataniq! Nanġaqsiuŋ God Aŋaiyyuvikpaŋani! Nanġaqsiuŋ suaŋŋatiqpaŋa qiḷaŋmiittuaq! 2 Nanġaqsiuŋ savaŋaruaq suaŋŋatini atuqługu. Nanġaqsiuŋ qutchigñiqsrauruaq kamanautaa. 3 Nanġaqsiuŋ nipauqłuktautitigun. Nanġaqsiuŋ harp-niglu lyre-niglu. 4 Nanġaġli ilaa aviḷuqtaġuuruanik kanaakkiulutiglu. Nanġaġli nuqaqtiliniglu suvluaqtuġnaqtuaniglu atuqtuuranik. 5 Nanġaġli aviḷuqtautitigun. Nanġaġli nipaturuanik aviḷuqtautitigun. 6 Aniġniqapayauraqtuam nanġaġliuŋ Atanġuruaq! Nanġaqtauli Ataniq! |
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
American Bible Society