Psalms 15 - Iñupiatun Mumiksat Uqalugiksuat

Sumik God Piraksriiva

Psalm aglaaŋa David-gum.

¹ Ataniiq, kiña Aŋaiyyuvikpagnun isillaniaqpa? Kiña aŋaiyyuyyallaniaqpa Zion-mi? Ilvich salumaruaġivlugu qimiġaġikkaġnii?

² Tamatkua kamakkutiqaqtuat God-mun supayaatigun iñiqługulu iluaqtualiqisuuruat, uqaluqaqhutiŋ sagluuŋitchuanik iḷumun ittuaniglu,

³ maqutchisuitchuallu allanik. Pimaqłuktaisuitchuat avilaitqatiimignik uqautikłiḷaitchuallu siḷalliimignik.

⁴ Suunnaġiŋitkaiptauq God-im ayyaktaŋich, iviġaumagigaich aglaan kamaksriruat Ataniġmik. Navgiḷaiñmiut unniqsuqłiunmignik, qanutun unnii akisutigiluqtuq.

⁵ Attaqsipkaisuummiut naggusiġaluaġnagich uqayutilaitchut iḷisimarautquraugaluaqamiŋ akiḷḷiqsruġlugu patchisaiḷaaq. Kisupayaaq taapkuniŋa kamaksriruaq tuniqsimmatiqaġniaqtuq.