Psalms 149 - Iñupiatun Mumiksat Uqalugiksuat

Atuun Nanġautikun

¹ Nanġaqsiuŋ Ataniq! Nutaatchauramik atuġitchi Ataniġmun; nanġaqsiuŋ ukpiqtuaguruat katitpata!

² Quyyatiqaġitchi, Israel-guruasii, ilaata savaaġiŋaraasi; quviasugitchi, iñuŋich Zion, pisigilugu umialiksi!

³ Nanġaġlirruŋ atqa kanaakkiulutiŋ; atuqtuurautilirruŋ aviḷuqtaġuuruaniglu, harp-niglu.

⁴ Atanġum quviagigaich ilaata iñuni; kamanaqsiḷiġuugaich qiñuitchuat akimmanmik.

⁵ God-im iñuŋich quviasuglich akimmanmi atuġlutiglu quviasuutiqpaqaġlutiŋ unnuaqtutilaaŋatun siñigvigmigni.

⁶ Nipatulutiŋ nanġaġlirruŋ God, avanmun kiiñalignik savikpaqaġlutiŋ

⁷ akiiḷisaġlugich nunaqpauruat tatavsaqsaqługich iñuich;

⁸ qiḷiqsruutisaqługich umialiŋich kalimñanik, aullarriŋiḷḷu savił̣hanik kalimñanik;

⁹ tatavsausiaŋich nunaqpauruat tainnaittut taŋŋiqsaqługu God-im piraksriutaa; tavra God-im kamanaqsiḷiġutaa iḷumutuuqtuanun iñumiñun. Nanġaqtauli Ataniq!