Psalms 142 - Iñupiatun Mumiksat UqalugiksuatAŋaiyyun Ikayuquvluni Poem aglaaŋa David-gum, qaiġusugmiinnami; aŋaiyyun. 1 Ququullavigiŋagiga Ataniq ikayuquvluŋa; Qiññuaqtuġvigiŋagiga Ataniq. 2 Isumaaluutipayauratka ilaanun qaiñŋagitka; Isumaalugipayaaqtamnik uqautiŋagiga. 3 Iḷitqusiġa sayaiġman, iḷisimaŋaruq apqutiksramnik. Iglauyaamni pisuaġvigiramni, iriqtuqługich nigatchialiqsuutiŋagaanŋa. 4 Qiñiġaaqama saniġamnun, tautuŋitchuŋa kimikunnii ikayuqtiksramnik, annaksaġviksraiññiqsuŋa. Kia unnii suliqutigiŋitkaanŋa. 5 Ataniiq, qiññuaqtuġvigigikpiñ; ilvich Ataniiq, annaksaġvigisuugikpiñ; ilvich kisivich pigisukkikpiñ iñuggutimni. 6 Naalaġniuŋ qirratiga ikayuquvluŋa, susausiipiallaktuŋa. Annautiŋŋa akiḷḷiimniñ; saŋŋił̣haaqtutkii uvamniñ. 7 Annautiŋŋa uiġualaguma, iluaqtuakun iñuuruat katitpata nanġaġniaġikpiñ qanutun ilvich nakuugutiŋakamŋa. |
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
American Bible Society