Psalms 14 - Iñupiatun Mumiksat Uqalugiksuat

Iñuum Pigiiḷḷiqutaa

Atuqtit aullarriŋannun. David-miñ.

¹ Isumalluaġiitchuat inmignun uqautiraqtut, “God-aitchuq imña!” Iliŋich iluqatiŋ piaġiitchuagurut, savaaqaŋammiut piaġiipiaġataqtuanik; atausiq unnii iluaqtualiqilaitchuq.

² Atanġum anmun qiḷagmiñ qiñiġuugaatigut iñugruiññaich tautugukługich isumaturuaqaġmagaisa, inmiñun nalliŋich aŋaiyyummagaisa.

³ Aglaan iluqatiŋ killukuaŋarut; iluqatiŋ ativlutiŋ piḷuktut. Iḷaŋat unnii iluaqtualiqilaitchuq, atausiuraq unnii.

⁴ “Taimmaipkua naluvat?” Ataniq apiqsriruq. “Marra makua piḷuusiqirit tainnatun nalutigivat? Iñuuraqtut iñumniñ tigligaqtuaqhutiŋ, aŋaiyyulaiñmiut uvamnun.”

⁵ Tikiññiaqtut aglaan tatamaaviksramignun, atakkii God-im nayuġaich kamaksriruat.

⁶ Pigiitchualiqirit qanuqsausiiḷḷakkaluaġaġigai sivunniuġutaisigun piuniaŋitchuat, Ataniġmik aglaan annaksaġviqaqtut.

⁷ Aŋaiyyuuġaqtuŋa akimman qaitquvlugu Israel-miunun Zion-miñ. Qanutun quviatchapalukkisivat Israel-miut Atanġum piḷḷuatautiksrivsaagaqsiḷgitpatiŋ!