Psalms 138 - Iñupiatun Mumiksat Uqalugiksuat

Quyyatikun Aŋaiyyun

Aglaaŋa David-gum.

¹ Quyanaaġikpiñ Ataniiq, iluqaaġlugu uummatiga; Atuġniaqtuŋa nanġaġlutin sivuġaanni iñuuraqpaich.

² Saanniaqtuŋa salumaruamun Aŋaiyyuvikpagnun pulluŋa, nanġaġlugulu atqiñ, pisigilugu ataramik ittuaq nakuaqqutin iḷumullu ittuaguniġiñ, qanuq uvva qiñiqtinŋagitin atqiḷḷu pitquratillu qutchigñiqsrauruat.

³ Kiuŋagiŋma ququulakama iliŋnun; suaŋŋaktaaŋagiŋma ilitqusimñi.

⁴ Umialgupayaaqtuat nunami nanġaġniaġaatin, Ataniiq, qanuq tusaaŋagaich unniqsuqłiisitin.

⁵ Atuutiginiaġaich piḷġusitin, Ataniiq, kamanaqtuaguniŋalu qaumaniqpich.

⁶ Qutchiksuagugaluaqtutin, qaunagigitin atchigñiqsraŋich iñuich, kamanniuqtit iriġumiñaitchut iligniñ.

⁷ Avanmanŋa iluiḷḷiuġutiqpaich, anayanniuqtilaitkigma. Paaqłaktaġitin uumisuutiqaqtuat akiḷḷiitka annautivluŋalu suaŋŋatignik.

⁸ Unniqsuqłiisitin taŋŋiġñiaġitin; Ataniiq, nakuaqqutin isuksraitchuq. Naatirruŋ savaan isagutiŋaran.