Psalms 13 - Iñupiatun Mumiksat UqalugiksuatAŋaiyyun Ikayuquvluni Atuqtit aullarriŋannun. Psalm aglaaŋa David-gum. 1 Qanutuaglaan imña puiguummiñiaqpiŋa, Ataniiq? Isuiḷaamik? Qanutun sivisutigilugu iriqsimaniaqpich uvamniñ? 2 Qanutun sivisutigiruamik igḷutuġniaqpigu isumaalunaqtuaq? Qanutun sivisutigilugu isumaaġnam siḷvinŋaniaqpauŋ uummatiga uvlumi unnuamiḷu? Qanutun sivisutigilugu akiḷḷiġma akiisitaġniaqpaŋa? 3 Qiñiŋŋa, Ataniiq God-iiŋ, aasii kiuluŋa. Suaŋŋasivsaaŋŋa; tuqupkaġnaŋa. 4 Akiḷḷiitka uqaqtinnagich, “Akiiḷigikput amna.” Uqavigaaġutigipkaġnaŋa ulġuniġa pisigilugu. 5 Nayummatigisuugiga tavra nuŋulaitchuaq nakuaqqutin; Quyyatiqaġniaqtuŋa, uvvaataŋ annautiniaġigma. 6 Atuutiniaġikpiñ, Ataniiq, qanukkii aŋalalluataġigma. |
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
American Bible Society