Psalms 129 - Iñupiatun Mumiksat Uqalugiksuat

Aŋaiyyun akiḷḷiġivlugich Israel Akiḷḷiiŋich

Atuun mayuġmata.

¹ Israel, uqautisigut qanuq akiḷḷiivsiññun nagliksaaqtitaġiŋatilaavsiññik nutaġaurauŋŋavsi qaŋa.

² “Nutaġauŋŋaġma qaŋa, akiḷḷiima nagliksaaqtitaġiŋagaanŋa atqunaqługu, aglaan akiisinŋaitkaanŋa.

³ Itiruanik kiḷḷiaŋagaluaġaat tunuga aasii arriḷivlugu nauyumiññaksaqtatun nautchiiviktun.

⁴ Aglaan Ataniq nalaunŋaruaguruq; kipiraġiŋagaich uvamniñ akłunaaŋich pigiiḷḷiqirauruat.”

⁵ Iluqaġmiktuq uumiksriruat Zion-mik qiñiġviisitaulich utiqtitaulutiglu.

⁶ Iluqaġmiktuq irrusiqaġumaut ivigaatun nauruatun iglut qaaŋiññi, tuquliruatun nausaŋaiñŋaġmiŋ unnii;

⁷ Kia unnii katitchiviginiaŋitkaa naakkaunnii iqimiałłukaaġluni aullautilugich.

⁸ Apqusaaqtuat uqallagniaŋitchut, “Atanġuptuq quviasaaġumagaatin! Quviasuusiaqaġitchi atqagun Atanġum.”