Psalms 127 - Iñupiatun Mumiksat Uqalugiksuat

Nanġairuat God-im Nakuuniŋa Pisigivlugu

Atuun mayuġmata. Aglaaŋa Solomon-gum.

¹ Atanġum nappaŋisuaġmagu iglu, savaaŋat igluqpirit asiñun inmatun ittuq; Atanġum munaġiŋisuaġmagu iniqpak, suuŋiñmatun nipuŋaitkaluaqtuat qaunaksrit ittut.

² Asiñun uvva iqiiġñaġiaġaqtusi suli pigaaġmivḷusi, savakłusi niqiksraqallagniaġukłusi siñiksraqaqtitchuugaich ilaata piqpagirani.

³ Miqłiqtut tamarra aitchuusiagurut Ataniġmiñ; quviasuusiagurut miqłiqtut ilaaniñ.

⁴ Iġñiŋi iñuum nutaġauŋŋaġmiŋ irrusiqaqtut qaġrutun aŋuyaktim argaŋiñi.

⁵ Quviasugli iñuk qaġruqaġviŋa siḷivinŋaruaq. Kanŋunamun tikiññiaŋitchuq uqavaaqatiqaġumi akiḷḷiimiñik uqaqsitaaġvigmi.