Psalms 126 - Iñupiatun Mumiksat Uqalugiksuat

Aŋaiyyun Annautitquvluni

Atuun mayuġmata.

¹ Atanġum utqutimmatigut Zion-mun, ilaa imña siññaktuqtuagut!

² Iglaqhaqtaŋarugut, quviasukłuta atuqpakłutalu! tavraasii allat nunaqpauruat uqaġniqsut uvaptigun inna, “Atanġum savautiŋagaich kamanaqtuanik.”

³ Atanġum iḷumun savautiŋagaatigut kamanapiaqtuanik; suli quviasuŋarugut!

⁴ Ataniiq, quviasuusiavut utillasipkakkich, sialuum ivsagmatun paliumaruat kuugich iglauvikaaŋi.

⁵ Qurviugallaġmiŋ kanġaqsruisuuruat, quviasukpagniaqtut katitchigumiŋ kivluamignik!

⁶ Qirruktuallaġmiŋ kanġaqsruiruat nautchiaksranik, qaitqigñiaqtut atuġlutiŋ quviasuunmi, qaġġirriḷutiŋ palauvaksranik.