Psalms 125 - Iñupiatun Mumiksat Uqalugiksuat

Anayanniuŋiññiŋat God-im Iñuŋisa

Atuun mayuġmata.

¹ Ukpiqsraqtuat Ataniġmun irrusiqaqtut Mount Zion-tun, aulayyaktauyuminaitchuaq, suli inniaqtut isuitchuamun.

² Iġġich avataaniinmatun Jerusalem-gum, tainnatuttauq Atanġum avanŋammigaich iñugirani, paŋmami suli taimuŋa isuitchuamun.

³ Pigiiḷḷiqirauruat atanniqsimanniłhaiññaġniaŋitchut nunaŋanni nalaunŋaruaguruat; tainna pigaluaqpata, nalaunŋaruaguruat iliŋich pigiiḷḷiqiviaġmiut.

⁴ Ataniiq, nakuugutikkich tamatkua nakuuruaguruat, tamatkua uummatimigni nalaunŋaruaguruat.

⁵ Aglaan tamatkua saquruat pigiiḷḷiqunmun, Atanġum piiqsinniaġaich piqatigilugich pigiiḷḷiqirauruat. Tutqiun illi Israel-mi!