Psalms 124 - Iñupiatun Mumiksat Uqalugiksuat

God Munaqsriruaq Iñugmiñik

Atuun mayuġmata. Aglaaŋa David-gum.

¹ Ataniq uvaptinnuktuŋisuaqpan— Israel, uqallagli—

² Atanġum ikayuŋisimakpatigut akiḷḷiipta aŋuyagmatigut,

³ tavra iiñayaġaatigut iñuuguraġniaqtilluta qinnautiqpakkamisigut;

⁴ uliqpaum aullautiŋanayaġaatigut, imġum matunayaġaatigut,

⁵ qaiḷḷiqpaktuam aullautiluta pisaġinayaġaatigut.

⁶ Quyyavigilakput Ataniq, munaġiŋammatigut akiḷḷiiptiŋniñ kigutiqpaligaanin niġrutinin ittuanin.

⁷ Annaŋarugut tiŋmiatun annaktuatun aŋuniaqtim nigatchiaŋaniñ; nigatchiaq naviŋaruq, aasii annakłuta!

⁸ Ikayuusiaqput qaisuuruq atqagun Atanġum, savaŋaruam qiḷaŋmiglu nunamiglu.