Psalms 122 - Iñupiatun Mumiksat Uqalugiksuat

Nanġaqługu Jerusalem

Atuun mayuġmata. Aglaaŋa David-gum.

¹ Quviasuŋaruŋa uqallautimmanŋa, “Atanġum igluanukta.”

² Makitarugut uvva, upkuaqpagŋiññi Jerusalem!

³ Jerusalem nappaŋagaat iniqpaktun patiktitammaaġikł̣ugu.

⁴ Una tavra maŋŋuqatigiiksuat mayuġviŋat, maŋŋuqatigiiksuaŋich Atanġum, quyyatiqaqłutiŋ Ataniġmun; piraksriutaa nalaułługu.

⁵ Aquppiutaqpaŋich isivġiiviksram tavraniittut aquppiutaqpaŋata igluani David.

⁶ Aŋaiyyutigisiuŋ tutqiutiqaqulugu Jerusalem: “Piqpaksriruat iliŋnik piḷḷuatautiqaġumaut.

⁷ Tutqiuntuq illi iḷuani katchivsi suli anayanniuŋiḷḷusiḷu igluqpavsigñi.”

⁸ Pisigilugich nanmiñiq iḷatka suli avilaitqatiitka Uqallagniaqtuŋa, “Tutqiutiqaġitchi!”

⁹ Iglua Atanġum God-ipta pisigilugu Piḷḷuataġniksraqsi kipiġniuttaġiniaġiga.