Psalms 121 - Iñupiatun Mumiksat Uqalugiksuat

Ataniq Munaqsrikput

Atuun mayuġmata.

¹ Qiviaġniaqtuŋa qimiqqanun; sumiñ ikayuusiaksraġa qaiñiaqpa?

² Ikayuusiakaaġa qaisuuruq Ataniġmiñ, savaŋaruamiñ qiḷaŋmiglu nunamiglu.

³ Putukkisinniaŋitkaatin; munaqsriruaq iliŋnik siñaavriḷaitchuq.

⁴ Munaqsriruaq Israel-mik siñaavriḷaitchuġlu siñilaitchuġlu.

⁵ Atanġum qaunagiugaġaatin; Ataniq taġġisimaaġvigigiñ taliqpigñi.

⁶ Siqiñġum pasigñiaŋitkaatin uvlumi, naakkaunnii tatqim aksianiaŋitkaatin unnuami.

⁷ Atanġum munaġiniaġaatin piaġiitchuapayaaniñ; qaunagiugaġniaġaatin.

⁸ Anayanniuqtinniaŋitkaatin qaiñmukkaluaġuvich suli aullaġaluaġuvich, paŋmami, isuitchuamullu taimuŋa.