Psalms 114 - Iñupiatun Mumiksat Uqalugiksuat

Qulaurrusiqinikun Atuun

¹ Iñuŋich Israel aullaġmata Egypt-miñ, Jacob-gum kiŋuniiŋisa uniñmagich iñuich allauruamik uqausiqaqtuat,

² Judah-m iñuŋich salumaruaguvlugich Atanġum iñugiliutiŋagaich, Israel ilaata nanmiñiq pigiliutiŋaniġaa.

³ Red Sea qiviaŋaruq aasii qimaavluni; Jordan River supiŋaiŋaruq.

⁴ Iġġich minŋilaŋarut nagruliktitun; qimiqqallu minŋiqtaqłutiŋ imnaiyaatun.

⁵ Suŋavich imña, taġiuguruatiin, sum qimaapkaqpatin? Aasii ilvich Jordan, summan nutqaqłutin supiŋaiŋavich?

⁶ Ilivsi iġġiuruasii, summan minŋilaŋavisi nagruliktun? Qimiġauruasii, summan minŋiqtaŋavisi imnaiyaatun?

⁷ Uulillagiñ nunaa, takkuani Atanġum, nayuqtauniŋani God-iŋata Jacob,

⁸ uyaġak imaġuqtillaraŋa suli siqquqtuat uyaġaich suvliktuanik imiqallasivḷugich.