Psalms 113 - Iñupiatun Mumiksat Uqalugiksuat

Nanġaqtauli Atanġum Nakuuruaguniŋa

¹ Nanġaqtauli Ataniq! Kivgauruasii Ataniġmun, nanġaqsiuŋ atqa!

² Nanġaqtauli atqa, paŋmami suli taimuŋa isuitchuamun.

³ Siqiñġum nuiḷġataġniŋaniñ nipiniŋanuaglaan Atanġum atqa nanġaqtaksrauruq!

⁴ Ataniq qutchił̣haaqtuaguruq iluqaiññiñ nunaqpauruaniñ; qaumanġa ilaan qulaanniittuq qiḷaich.

⁵ Kimik unnii iñuitchuq Ataniqtun God-iptiktun ittuamik. Qutchiksuami iniqaqtuq,

⁶ Aglaan kurraġaqtuq qiñiqsaqługich qiḷaiḷḷu nunalu.

⁷ Makitittaġigaich iḷiappauruat avyumiñ; kivikługich piiḷḷiuqtuat iłuiḷḷiuġutiŋiñiñ

⁸ aasii aquppiqatiqallasivḷugich nuimaruanun inugnun, iġniġuvlutik umialignun atanniqsuiruat iñuŋiññun.

⁹ Qutchiksiḷiġaġigaa miqłiqsiḷaitchuaq aġnaq aimaaġviani; quviatchairaġigaa miqłiqsiḷḷasivḷugu. Nanġaqtauli Ataniq!