Psalms 11 - Iñupiatun Mumiksat Uqalugiksuat

Nalupqisuŋirrun Ataniġmi

Atuqtit aullarriŋannun. David-miñ.

¹ Ukpiqsrapiallaktuŋa Ataniġmun navianniuqtitchumiñaisilaamnik. Nalutigivich uvva qanutun uqallautikamŋa, “Tiŋŋiiñ iġġiñun tigmiaġruuratun,

² Uvvaataŋ piḷuusiqirit iigutiŋagaich pisiksitiŋ taġġiñŋallaġmiŋ pisikkumavlugich iñulluatat.

³ Susaqsaġumiñaitchuq una iñulluataq sunapayaaq suksraunġiqsauniaqsimakpan.”

⁴ Ataniq salumaruami aŋaiyyuvikpagmiñiittuq; aquppiviqaqtuq qiḷagmi. Ilaan qiñiqtuaġuugai iñuich sumipayauraq iḷisimammigai suliqitilaaŋiññik.

⁵ Naipiqtuġai nakuuruallu piḷuktuallu atunim; pitquraiḷaqtit uumigipiallakkaich uummanmiñiñ.

⁶ Katagairuq ikualaruanik aluanik tivluktuanik piḷuktuanun; tatavsaqługich piḷuktuat pasigñaqtuamik anuġimik.

⁷ Ataniq iluaqtuaguruq nakuaqsrisuuruq savaalluatanik; tamatkuniŋa savaktuat iñuuniaqatiginiaġaat.