Psalms 108 - Iñupiatun Mumiksat Uqalugiksuat

Aŋaiyyun Ikayuquvlutiŋ Akiḷḷiimigniñ

Psalm aglaaŋa David-gum; atuun.

¹ Naamaruamik nalupqisuutairrutiqaqtuŋa, God-auruatiin! Atuġniaqtuŋa nanġaġutin! Iluqaapiallagluŋa!

² Iqiiġitchik, harp-lu lyre-lu! Iqiiġñaġiagniaqtuŋa qaummaġiksiŋaiñŋaan.

³ Quyyaviginiaġikpiñ, Ataniiq, akunġanni nunaqpaich. Nanġaġniaġikpiñ akunġanni iñuich.

⁴ Nuŋulaitchuam nakuaqqurvich tikiñŋagaich qiḷaich; iḷumutuuġutikpich aksiŋagaat siḷa.

⁵ Tautuktirruŋ kamanaqtilaan siḷami, God-auruatiin, suli kamanautin nunapayaamiḷu.

⁶ Annauttusigut suaŋŋatignik; kiulugu aŋaiyyutiga, iñuich nakuaġikkatiin annaurrauyumaut.

⁷ Salumaruamiñ inimiñiñ God uqallaŋaruq, “Akimmatimni aviktuaġniaġiga Shechem aasi autaaġlugu Sukkoth Valley uvaŋa iñugiramnun.

⁸ Gilead uvaŋa piutiga, Manasseh-lu; Ephraim tavra niaqquaqsaiḷutaġa Judah-liasii tikkuaġautiga.

⁹ Aglaan Moab iqaqqiviuraġiniaġiga, aluġutimnik aasii miḷuqsaġvigilugu Edom, iḷitchuġiyumaut uvamnun pigitilaaŋigñik. Avaalauġniaqtuŋa akiisitkupkich Philistia-ġmiut.”

¹⁰ God-auruatiin, kia uvva aullatiniaqpaŋa payaŋaitchuamun iniqpagmun? Kia sivulliuġniaqpaŋa Edom-mun?

¹¹ Tavraimña ayyapiaġataŋavisigut, God-auruatiin? Avluġaaqasiġñiaŋitpigich unnii tavra aŋuyaktivut?

¹² Ikayuqsigut akiḷḷiptigniñ; iñugruiññam ikayuutaa anniqsuutaulaitchuq.

¹³ God iḷaaluġiguptigu akimaniaqtugut; ilaan akiisinniaġaich akiḷḷivut.