Psalms 101 - Iñupiatun Mumiksat Uqalugiksuat

Umialgum Unniqsuqłiisaa

Psalm aglaaŋa David-gum.

¹ Atuġniaqtuŋa pisigilugu piqpakkutin nalaunŋaruakullu, atuġniaqtuŋa iliŋnun, Atanġuruatiin.

² Piraġausiqaġniaqtuŋa patchisaitchuakun. Qakugu ullagniaqpiŋa? Iñuusiḷḷuataqaġniaqtuŋa iglumni

³ iviġaumaginiaŋitkitka killukkuaqtautit. Uumigigitka piraġausiŋich saquruat unił̣ł̣ugu God; Iḷaksruutiniaŋitchuŋa iliŋiññun.

⁴ Pitqiksiġaġniaŋitchuŋa; Pigiitchuanullu iḷaksruutiniaŋitchuŋa.

⁵ Tuqqunniaġiga kiñapayaaq uqautikłiqsuaq nalunaukkivḷuni maqutchivḷuni siḷallimiñik; Manimmisiqaġniaŋitchuŋa kimulliqaa kamanniraaqtuamun arguaŋaaqtuamullu.

⁶ Iviġaumaginiaġitka iliŋich tuniqsimavlutiŋ ukpiqsraqtuat God-mik aasii iñuullaniaqtut igluqpamni. Tamatkua pitqiksiġautaitchuat savautillaniaġaanŋa.

⁷ Sagluturuat iñuuyumiñaitchut igluqpamni; sagluuqhutiŋ ukpiŋŋuaqtuat takkumniitchumiñaitchut.

⁸ Uvlaatuaġaġikpan suksraunġiġñiaġitka pigiitchualiqiruat nunami; Aninniaġitka pigiiḷḷiqirit iniqpaŋaniñ Atanġum.